D' Goschdym-Schnyyderei 2003 & Vorberaitige

Genau e Wuche vor dr Fasnacht kunnt bim Cliquekäller Fasnachtstimmig uff:
Im Gang sinn die erschte Larve yytroffe und d' Fasnachtszeedel uss dr Druggerey zaige, ass es nimmi eso lang goht bis zem Morgestraich.

 

Dr Mauro het's gschafft:
Scho fascht tradizionell isch dr Ladärnetransport genau e Wuche vor dr Fasnacht.
Und numme ne Daag het si denn miesse uff dr Laggaastrich warte.

 

Inne und usse glänzt dr nassi Boodesiigel.

 

Hoffentlig het's iberall gnueg Lagg uff dr Ladärne.
Denn genau jetzte, wo mir d' Ladärne dien laggiere, foht's nach ere fascht vierwichige Scheenwätterperiode aa räägne.
Dr Petrus het aber no gnueg Zyyt, zem sich e scheens Fasnachtswätter z'zämmestelle.