Mir fraien is, Si uff unserer Homepage deerfe z begriesse.
Uff de näggschte paar
Syyte meechte mir unseri Aggtiviteete vorschtelle. D' Homepage isch e bitzli
wie d' Fasnacht:
Jede macht Fasnacht in erschter Linie uss Spass und wägenem Gribble im
Buuch. Frogt men e Bebbi, eb är au fir d Zueschauer, wo in de Stroosse
und Gasse steen, sich masgiert und uff d' Strooss gooht, wird är daas
sicher beschtriite. Und trotzdäm macht är jedes Joor e neys Goschdym.
D Ladärne
sell no scheener wärde und dr Zeedel sich no besser raime ....... und
daas alles fir sich elai?
Au die Homepage hänn mir in erschter Linie fir uns sälber gmacht. Und trotzdäm finde mir 's glatt, ebbis, wo mir sälber Fraid draa hänn, au andere Lyt uff dr ganze Wält z' zaige.
Mir winsche Eych jetzt viil Spass bim Aaluege vo de andere Siite!
Die Schnääderfräässige
PS.
Mir sinn Amateur: Durum bitte mir Si, uns Fähler uff unserer Homepage
z' entschuldige. Mir wärde wie bim Drummle und Pfyffe brobiere, uns z'
wyyterentwiggle
und dien sicher in Zuekunft die ainzelne Syyte aggtualisiere.