|
|
Die letschte baar ruehige Stund warte uff d' Ladärne.
|
|
Mir machen is uff in Cliquekäller fir's Ladärneyysirpfle.
|
|
![]() |
Das Joor git's e Kindertisch, wo d' / 's (?) Coni und si Mamme iberwacht, und en Erwaggsenetisch.
|
|
![]() |
Bim gueten
Aesse vo dr Lisbeth isch d' Stimmig beschtens.
Dr Zeedel wird verlääse und e baar Danggeswort an die grichtet, wo uns au
daas Joor e tolli Fansacht ermeeglige.
|
|
Jetzt vergoht d' Zyyt schnäll: Scho isch es Nyni und mir brächen uff zem no fir e baar Stindli am Kopfkissi go loose.
Jetzt kah's ändgiltig loos go:
An
aine sette mir unbedingt no dännge:
An dää nämmlig, wo die näggschte drey Dääg duet’s
Fasnachtswätter längge.
I dänng nit an Buecheli vom Schwyyzer Färnseh
und au nid an e stotterndi Färnsehwätterfee.
Nai, I main dr Petrus wo näb dr Frau Fasnacht vom Himmel oobe
will gseh wie sich die Schnääderfräässige in de Gasse musikalisch
uustoobe.
Zem dr Rym
no fertig z’bringe
Fang i jetzt nid no afoo singe.
Drfir nimm i s Zitat vom Getz vo vo Berlichinge:
Nai, sag aber nid: Leck mich am …
sondern schlicht und aifach: Morgestraich vorwärts marsch!