Dr Morgestraich 2008

Drey am Morge! No seeht's verschloofe uss

Dusse sinn aber e baar scho aggtiv! S Eleggtrisch und s Dringge muess uff dr Waage

    

In dääre Zyt drifft ai Schnäädi nach em andere yy.
Die gspannti Atmosphäre daut uff. S kunnt Lääbe in d Strooss

No warte si - aber nimme lang

    

Mir sinn in dr Gryffegass aakoo. Zyt zem d Närve mit emene G&T z beruehige

    

Dr letscht Vierischlaag vo dr Clarakirche isch am verhalle und denn isch är doo:
Dr Momänt, wo mir wider e ganzes Joor druff aane gwartet hänn!
S isch dunggel: Und nääbe dr Ladärne, de Stäggeladärne und de Kopfladäärnli
lyychte in dääre Nacht au d Stärn um d Wett.
Daas Joor zaigts dr Petrus wider emol ganz offiziell: Die drey Dääg isch au är e Bebbi!

Nur s Sujet isch verschloofe.
Mir aber sinn speetischtens jetzt wach!

Während anderi scho in de Gasse vom Groosbasel gässle, ziehts au uns iber die voll bsetzti
Mittleri Brugg ins Zentrum vo dr Fasnacht

    

Dr obligat erschti Halt bim Ramstei

D Larve zu dr Drummle und denn kaa's loos goo:

    

S Kommentiere vo aim vo de scheenschte Morgestraich in de letschte zwanzig Joor:
Also eso lang wie s die Schnääderfräässige scho git.

Nid emol draa dängge muess me: An die durchsichtige Plastigg, wo vor em Rääge schitze

    

Ändlich wider emol nid nur uff de Stroosse, wo sich d Clique kryze, sondern au uff em
Märtplatz het e riisige Druggede.

Die baar Stunde, wo numme de Ladärne gheere

Groossi und glaini Ladärne - daas isch daas, wo d Fasnacht z Basel
speziell macht

    

D Ladärne vom Stamm vo de Rhygwäggi

Dr Bligg schweift wyt fiir in d Gärbergass

    

Dr dunggli Spalebuggel isch ganz in dr Hand vo dr Fasnacht

    

E Sujetrenner: D Chineese! Wäge dr Olympiade gniesse si bsunderi Uffmerggsamkeit

    

Und e zweite Renner: S Klima, wo uss em Ruder lauft! Doo d Ladärne vo dr Alte
Garde vo dr VKB

    

Linggs die Alt Garde vo de Bebbi und rächts e Druggede am Rimmeliplatz

    

Morgestraich wie im Bilderbuech

Und mir marschiere iber dr Barfi in d Freye Strooss und machen
e wytere Halt bim Schild

    

Anderi Joor wirds um die Zyt scho hell.
Am 11. Hornig isch es aber no dunggel. En Äxtrastund fir d Ladärne:
Doo zem Bispiil für die vom Stamm vo de Versoffene Deecht

    

D Ladärne vo de Niete

    

Und doo d Vordersyte vo dr Gundeli und vo de Wiehlmys

    

Und zem Schluss vom Uffenthalt in dr Frey Strooss no d Ladären vo de Alte Garde
vo de versoffene Deecht ...

    

... und vo dr Märtplatz.
Ganz zem Schluss kemme die 100 jeehrige Olymper

    

Morgenässe im Europe:
Fir e kurze Momänt merggt me jetzt, wie lang me het kenne schloofe.
Aber schnäll isch di Miedigkeit vergässe: D Fasnacht duurt nur 72 Stund
und isch bi däm Wätter sowieso vyyl z schnäll verby

    

Am Rimmeliplatz isch au am zähni no Hochberiib

    

Und bruun ka me au wärde oder eifach d Fasnachtsluft, wo iber dr Stadt liigt gniesse

    

D Ladärne warte scho uff dr Cortège.
Mir nitzes uss und geehn erscht heim, ass es längt zem s Goschdym wäggsle

Dr erscht isch schone bitz druurig:
Em Morgestraich-Waggis si Fasnacht isch scho gloffe.
Dreeschte duet in numme: Ass är am scheenschte Momänt an dr Fasnacht ka
drby sy und jetzt wider s ganz Joor im Büro deerf stooh und eso immer an dä
scheen Momänt duet erinnere