D Diire isch ganz offe! Daas bediitet, ass si gly usse kunnt: D Ladärne
Nach 20 Joor sinn alli Handgriff ins Bluet ibere gange
Eso isch d Ladärne denn in kirzischter Zyt uff em Waage montiert
D Schruube mien no richtig aazooge wärde
Doodrfir hänn mir e beachtligs Wärggzyg-Sortimänt zer Verfiegig
Und jetzt no dr friisch gleeteti Vorhang an Waage und denn sinn mir barat
Kei Langsgmeind und au kei
Versammlig für e Demonschrazion! Oder ebbe doch
e Bitz: Uff jede Fall isch es die einzigi Demo, wo kei Bewilligung bruucht und
doch
bewilligt isch.
Jetzt wärs denn langsam Zyt zem Starte ...
... aber jetzt muess zerscht die genaui Marschreihefolg analysiert, ...
ussdieskutiert und beschlosse
wärde. Die einzigi Glägeheit ibrigens, wo d
Schnäädi-Pfyffer autonom iber iri Märsch kenne entscheide
Dr Fasnachtsnoochwuggs muess sich no schoone
Me het sich geinigt! Es ka loosgoo!
Es pfyfft!
Eine vo de greeschte und
scheenschte Herusforderige fir die Fasnacht:
Wie gang i mite em Geegeliecht um? :-)
Dangg dr Sunne bruucht d Ladärne fascht kei Belychtig.
Und es isch erscht dr 10. Hornig!! Also eigentlig zmitts im Winter!
Mir sinn uff em Wääg ins Härz vom Glaibasel
Sunne, Sunne und noonemol Sunne
In elf Stund laufe mir doo wider ab. Denn aber im Dunggle und mit de Goschdym
Uss dr Rhygass biege mir ab an Rhy
Dr ideali Platz fir e Halt und en Apero
Daas isch mi Basel an miim
Rhy,
glaubsch an e Wunder und scho drifft e Wunder ii!
Und s Wunder isch d Joorhundertfasnacht, wo uff is wartet
None kurzi Marschanalyse ...
... und denn wartet dr Apero.
Ibrigens s einzige Mool an dr Fasnacht, wo d Schnäädis
no Wysse dringge! Sunscht sinn mir jo sit e paar Joor abschtinänt - oder eso
ähnlig! :-))
Au e Wohrzeiche vo dr Fasnachtsstadt
D Sunne gooht under und wenn
si s näggschte Mool uffgooht luegt si uff die
verwandleti Stadt - die, wo dangg de dr Fasnachtsfee drey Dääg deerf gligglig sy
Mir machen is uff dr Wääg zem Cliquekäller
S letschte Mool uff em Wääg ohni Goschdym
Uff em Wääg im Klingetalgrabe
kryzt is dr Ibertraagigswaage vom Färnseh. Bis mir
verby sinn, stellt dr Chauffeur sogar dr Motor ab! D Fasnacht verwandlet sogar
Zircher!!
Die leetschte Deen fir hit zoobe
D Batterie wärde abmontiert
Und denn gits none Tischdemonschtrazion
Mir sinn im Käller und scho bald sitze mir vor prächtig gfillte Täller
E glaini Strompanne wird vom Schnäädi-Strom-Duo schnällschtens behoobe
Eso ruehig wie jetzt isch es
im Cliquekäller numme, wenn s Nachtässe vo dr Libeth
uff em Tisch stooht
Zem Abschluss vom
Ladäärneyypfyffe gits no zwei tradizionelli Traktande:
Z'erscht gheere mir vom Zeedeldichter unsere Zeedel
Und druff aabe gits none ....
i weiss gar nid, wie me däm sait und in
was fir ere Rolle i daas mach! Es isch eifach dr einzig Schnäädidambuur,
wo none bitz Zyt gha het :-)
Und daas Joor het är none bsundere Job vom Sandmännli ibernäh.
Är verdailt d Schlooftier im Ufftraag! Doo die fir dr Vordraab
Doo die vo de Pfyffer
D Schlooftier verbinde und mache mied ...
Dangg Leu ändlig wider e Maa!
S Programm vom Fasnachtssunntig isch fertig. Jetzt no schnäll hälfe uffruume ...
... und denn no fir e paar Stund ins Bett oder in d Neechi drvoo!
Unter siinere Obhuet mache d
Schnäädis daas Joor Fasnacht.
S Sandmännli winscht allne Schnäädis au im Name vo dr Frau Fasnacht
und dr ganze Fasnachtsfamilie: E scheeni Fasnacht!