Es isch trogge!
D Zueschauer zieht nach em verrägnete Mändig in Schaare an d Route.
Und uff dr Route gooht lang nüt meh!
Vom Drey Waggis bis zum Dittimueseum hänn mir e gschlageni Stund bruucht.
D Hünd bruuche sofort e Knoche ...
... und öbbis zum dringge!
Und denn au daas no! Vor em
Frässe mien sowohl die reinrassige, die halbe und ganze
Strossemischige zerscht uff s Foti.
Kei Wunder lampt däm in dr Mitti unde scho d Zunge uss em Muul.
Fasnacht pur!
Dr Cortége am Mittwuch.
Alli sinn uff dr Strooss.
Es muess usse, was usse muess, denn niemerds weiss eso genau, wenn em Petrus
si Wasserleitig im Fasnachtshimmel wider fooht aa rünne.
Bauer sucht Frau!
Dr Rätz Stamm bewirbt sich für d Olympiade 2020.
Und d Olympia meint: 'Herrschaft noonemool!'
Eins vo de Ladärne-Highlights an dääre Fasnacht.
Glai ...
... und gross: Alli ghöre zu dr Fasnachtsfamilie!
I glaub, daas sinn die Alte Spezi.
Bi de Junge Rhyschooge hänn
die härzige Eichhörnli nit miesse in 10'000 Volt biisse.
Und sin durum no richtig lebändig!
Die kenne mir doch scho!
Vesper bim Kunschtmuseum!
Dr Andri mäldet sich freywillig als manuelli Uffschnittmaschine!
Innert Minute isch s Hundefueter ewägg.
Und d Büüch gfüllt! Me gshets!
Und alles muess für d Homepage feschtghalte wärde.
S git Noochschuub!
I wähl nid dr Obama aber dr Franco!
Kuum zum glaube aber dr Cortège 2009 ghört scho wider zur Gschicht.
Tradizionell setzt d BMG am Claraplatz dr Schlusspunggt vom Mittwuch-Cortège.
Und au die hänns mit de Toilette.
Bruuche si die öbbe gard oder
persentiere die eifach d Meischterleischtig
vom Andreas und Andri?
Zweimool 'Duo infernale'! :-))
Zur glyche Zyt muess im
Cliquekäller e Larve gflickt wärde und d Batterie für dr scho (!)
letschti Oobe.
Nach em Nachtässe - i weiss
jetzt was Camargue-Ryys isch - sinn mir bereit für die
letschte Stund.
Und es räägnet immer noonig!!!
Also zrugg vom Glai- ins Grossbasel.
Zrugg kömme mir erscht nach em Ändstraich wider.
Es gseht idyllisch uss. Aber linggs und rächst kämpfe mir geege d Musik vo de Gugge.
Gschafft mir sinn in de Gasse vom Grossbasel.
D läbt d Fasnacht: Am Rümmeliplatz!
Sauhünd vereint.
S Fasnachts-Who-is-who defiliert rund um dr Rümmeliplatz:...
... Öb VKB, Basler Dybli, ....
... VKB Alti Grade, Olympia, ...
... AGB oder
... Schnuurebegge: Alli sinn doo und zmitts drinn mir!
Au im Noodlebärg stöhn d
Lampe vo de grosse Stammclique.
Doo die vo de Schnoggekerzli - en anderi vom miine Favorite.
Und doo en andere Favorit: D Ladärne vo de Schnuurebegge!
Und no eine vo de beschte drey: S Waldfescht vo den Optimischte.
Und unseri Nummer Eins: D Sau-Hundehütte!
Zwüsche doo und dääne! Eine vo unserne Vordraabs-Sau-Hünd.
Die wänn au jubiliere ...
... und doo d Gugge vo de Basler Rolli.
Wider am Rümmeliplatz zämme mit de Giftschnaigge und dr Spale.
Genau mit em Wäggsel uff dää
ungliebti Fasnachtsdonnschtig het d Leitig aafoo dröpfele.
Und nach em Drey isch denn s Legg immer grösser worde.
D Fasnachtsfamilie het sich unter s Dach vom Hotel Basel und em Zihlmaa zruggzooge.
Kurz vor de Viere e riisigi
Heggtigg: Alli laufe mit irne Ladärne ab.
Noonemool wehre sich alli mit Piccolo- und Drummelkläng geege dr unvermiidlichi
Abschiid!
Es isch verby!!
Es bliibt e veritabels
Zmorge-Buffet im Cliquekäller.
En Erfindig vor e paar Joor mit em glyche Erfolg wie d Idee, ass me alli Ladärne
uff em Münschterplatz
könnt ussstelle.
Adiee Fasnacht! :-((
Dr ganz Donnschtig hets gräägnet.
Au no denn, wo mir d Ladärne wänn abbaue.
Immerhin dr Lagg het ghebt. Kei Farb isch verloffe.
E letschts Bild vo dr
Hundehütte, denn daas Jor mien mir d Ladärne ussenandernäh,
ass mer si in Käller griege.
Alli hälfe mit.
Dr Waage isch scho leer!
None letschte Wüsch und denn isch d Fasnacht versorgt.
En erschti Fasnachtsanalyse im Cliquekäller.
E letschts Mool Fasnachtsluft
schnuppere: Am Smaschtig nach dr Fasnacht gööhn mir an
Abschlussoobe vo de Comité-Schnitzelbängg.
Welcome in Switzerland: Wie
uff ere Hienerstange sinn alli näbenandergsäss, wo mir
ko sinn, numm ass me dr Kopf nid muess dreihe. Was spilts doo schone Rolle, öb
me mitenander ka reede!
Wenn d Frau Fasnacht gooht, isch s Alltags-Seldwyla wider doo!
Dr Ufftaggt macht GmbH und
drzwüsche pfyffe und d drummle d Pfyffer und d
Streiffer.
E paar
Schnitzelbängg-Höhepünggt: D Schliffstai (perfeggt im Gsang!), dr Spitzbueb
(wie s d Name seit) ...
... die sichere Wärt: Dr Doggter FMH mit dr Schweschter Erika, dr Singvogel ...
... s Stächpalme und dr
Peperoni.
Vyl z schnäll isch au dää Oobe verby!