In Basel isch Fasnacht!
Ändlig bisch doo.....!
S Liecht gooht aa im Gang zem Cliquekäller.
Es gooht no genau ei Stund bis zum Morgestraich.
Dr Waage wird gfüllt.
No schnäll e Liecht-Check ...
... und e Korrketur an dr Belüèchtig und am halbi vieri könne mir abfahre.
Warte uff dr grooss Momänt.
Es nieslet zum Glügg numme e
Bitz.
E paar Zueschauer wärde zwar abghalte aber für uns isch s Wätter eso in Ornig!
No 10 Minute!
Vieri!!!!
Morgestraich, vorwärts, marsch!
Dr erscht Halt bim Märtplatz.
Es sinn d Stunde vo dr Ladärne!
D Stimmig isch perfeggt!
Am Märtplatz duet sich doch no öbbis: D Stainlemer kömme.
Dir Bio-Moscht-Kanister vo den Alte Stainmlemer.
Und doo d Ladärne vom Rhygwäggi-Stamm ...
... gfolgt vo dr farbeprächtige Lampe vo dr Olympia.
Getreu em Bild uff dr Ladärne
vo dr Alte Garde vo dr Mätplatz nämme mir eine, laufe
denn wyter und nämme denn wider eine!
Wääge ere sone blööde
belüüchtete Reklame (schaffe s die auch au emol no, denn i glaub,
die het scho s letschte Joor brennt), halte mir in dr Freye Strooss vor em
Schlüssel.
D Stammladärne vo de Wiehlmys.
Denn zwei Alti Garde: Zerscht die vo de Gundeli ...
... und den die vo de Bebbi.
D Ladärne lüüchte in dr Morgestraichhimmel vo Basel.
En Erinnerig an e Jorhunderttag in Basel im letschte Joor!
Mir luege im fasnächtlige Defilee wyter zue:
Doo kunnt d Ladärne vo de Ziri Zepf.
Was gits sunscht no gseh?
Dr IPhach Sagg vom Basler Rolli Stamm.
Will dr Himmel bedeggt isch,
bliibts länger dunggel und doodrmit könne d Ladärne
länger iri Pracht ussstrahle.
Dr Mätzplatz-Stamm kunnt.
S Blackout-Eichhörnli vo de Junge Narebaschi und noonemol d Ladärne vo de Rhygwäggi.
Die junge Muggedätscher löhn s BULA hochlääbe.
Die wärde mir none paar Mool aadräffe: Dr Stamm vo de Junteressli.
Doo kunnt dr Stamm vo de Giftschnaigge.
Es wird langsam Daag. Au daas ghört zum Morgestraich.
D Stammladärne vo de
Schnuurebegge.
Vor allem s Bild linggs hets mir aadoo.
Die Alti Grade vo de Lälli
erinneret an d 68er Beweegig.
E Bitz öbbis wie Fasnacht: Bisch au wyt ewägg vo dr Realiteet.
Ganz zum Schluss kunnt denn
no dr Optimischte-Stamm mit siiner Klöpfer-Ladärne.
E Meischterleischtig vom Ladärnebauer!
S isch Zyt zum Zmorge ässe!
Aber denn goohts wider uff d Stross zum gässle.
Wie allewyl an dr Fasnacht isch s Bermudadreyeck die bescht Fasnachtsadrässe.
Doo gits öbbis z dringge, z
ghöre und z gseh.
Und vyl z schnäll isch dr Morgstraich fertig und daas erscht no fascht ohni
Rääge.